Dekabrın 10-da Türkiyədə əməliyyat olunan xalq artisti, tanınmış
diktor Rafiq Hüseynov reanimasiyadan palataya
köçürülüb.
R. Hüseynovun xanımı Səbinə Hüseynovanın APA-ya
verdiyi məlumata görə, həkimlər xalq artistinin əməliyyatdan
sonrakı vəziyyətini qənaətbəxş kimi qiymətləndirirlər: "Özünü
normal hiss edir. Əsas odur ki, orqanizminin müqavimət qabiliyyəti
yaxşıdır. Reaksiyalar versə də, hələlik danışa bilmir. Həkimlər
ciddi nəzarət edirlər, təxminən bir həftə, on gün burada qalacağıq
ki, kimyaterapiya olunsun".