Olimpiya çempionumuz yeni vəzifəsi haqda danışdı
13 Dekabr 2013 22:00 (UTC+04:00)
Azərbaycan Cüdo Federasiyasının vitse-prezidenti, olimpiya
çempionu Elnur Məmmədli təyinatı ilə
bağlı azerisport.az saytına açıqlama verib:
"Hər zaman mənə dəstək olan federasiya rəhbərliyinə və Neftçi İSM-ə
təşəkkür edirəm. Şadam ki, idmanda qalmaqda davam edəcəyəm. Bundan
sonra gənc nəslin yetişməsi üçün çalışacağam. İstəyirəm ki,
Azərbaycanın yeni olimpiya və dünya çempionları olsun.
Federasiyanın vitse-prezidenti kimi regionlara səfərlər edəcəyəm.
İstedadlı yeniyetmələrin inkişafına kömək edəcəyəm. Cüdo hazırda
inkişaf dövründədir. Bu dövrün davam etməsi üçün çalışmalıyıq. Ən
əsas işim indi başlayır. Etimadı doğrultmaq üçün səylə
çalışacağam".