İmtahandan keçən 244 müəllim işə qəbul edilməyib

14 Dekabr 2013 11:05 (UTC+04:00)

Bu il imtahanlardan keçmiş 244 müəllim işi qəbul etməyib. Movqe.az-ın məlumatına görə, bunu bu gün Müəllimlərinin XIV qurultayında təhsil naziri Mikayıl Cabbarov deyib. M. Cabbarov bu sahədə araşdırma apardıqlarını, müəllimlərin əsasən rayonlara işləməyə getmək istəmədiklərinin üzə çıxdığını bildirib. O, işdən imtina edən müəllimlərin 82 faizinin qadın olduğunu qeyd edib. Təhsil naziri bu sahədə problemin aradan qaldırılması üçün müəllimlərin stimullaşdırılmasını, müəllimlər üçün xüsusi ipoteka rejiminin tətbiq olunmasını zəruri sayıb.