İntihar edənlərin 40%-i işsizlərdi
30 May 2012 14:01 (UTC+04:00)
Avstraliya alimləri heç bir işlə məşğul olmamağın insanların
sağlamlığına mənfi təsir göstərdiyini bildirir. Royal College of
Medicine ali təhsil müəssisəsinin araşdırmalarına görə, heç bir işi
olmayan insanlar ürək və tənəffüs xəstəliklərinə, psixoloji
gərginliyə daha çox məruz qalırlar. Həmçinin intihar hadisələrini
törədənlərin 40%-ni işsiz insanlar təşkil edir. Alimlərin fikrincə,
işləmək insanların həm ünsiyyət, həm də fəaliyyət ehtiyacını
ödəyir. İşlə məşğul olan insanlar daha az siqaret çəkir və az içki
qəbul edir. Bununla da onlar sağlamlığını qorumuş olurlar.
E.F.N
Movqe.Az