Paytaxtda 4 gün yarmarka təkil olunacaq
16 Dekabr 2013 17:30 (UTC+04:00)
Bakı şəhərinin müxtəlif yerlərində Yeni il bayramı
ərəfəsində əhalinin bir sıra ərzaq və kənd təsərrüfatı mallarına
artan tələbatının daha dolğun ödənilməsi və süni qiymət artımının
qarşısının alınması məqsədilə yarmarkaları təşkil
olunacaq. İqtisadiyyat və Sənaye
Nazirliyinin mətbuat xidmətindən Movqe.az-a verilən məlumata görə,
yarmarka İqtisadiyyat və Sənaye Nazirliyi, Kənd Təsərrüfatı
Nazirliyi və Bakı şəhər İcra Hakimiyyəti tərəfindən sahibkarlarla
birgə paytaxtın müxtəlif yerlərində təşkil
olunacaq. Yarmarkalar 28-31 dekabr
2013-cü il tarixlərində aşağıdakı ünvanlarda təşkil
ediləcək:
Binəqədi rayonu Dərnəgül yaşayış sahəsi, 6 saylı
peşə litseyinin həyəti;
Xətai rayonu Bakı kinoteatrının
yanı;
Nərimanov rayonu Əliyar Əliyev küçəsi 26, "Bakı
Taxıl" ASC-nin ərazisi;
Nəsimi rayonu "Təzə bazar"ın
ərazisi;
Səbail rayonu Badamdar qəsəbəsi, 239 nömrəli
məktəbin yanı;
Suraxanı rayonu Əmircan qəsəbəsi, Səttar
Bəhlulzadə küçəsi və Yeni Günəşli qəsəbəsi, "Günəş" ticarət
mərkəzinin yanı;
Yasamal rayonu Şərifzadə küçəsi 131, Bakı Dövlət
Rabitə və Nəqliyyat kollecinin yanı.