Azərbaycanda hava isinəcək
17 Dekabr 2013 20:50 (UTC+04:00)
Yaxın iki gün ərzində Azərbaycanda nisbətən
mülayim hava şəraiti müşahidə ediləcək, Bakıda havanın maksimal
temperaturu 8 dərəcə isti olacaq.
Ekologiya və Təbii Sərvətlər Nazirliyinin Milli
Hidrometeorologiya Departamentindən Trend-ə
verilən məlumata görə, Bakıda və Abşeron yarımadasında dekabrın
18-də hava şəraitinin dəyişkən buludlu olacağı, arabir tutulacağı
gözlənilir. Havanın gün ərzində əsasən yağmursuz keçəcəyi
gözlənilir. Axşam bəzi yerlərdə zəif duman müşahidə olunacaq.
Mülayim cənub küləyi əsəcək.
Bakıda və Abşeron yarımadasında havanın
temperaturunu gecə 0 dərəcəyə yaxın, gündüz 4-8 dərəcə isti
olacaq.
Azərbaycanın rayonlarında dekabrın 18-də hava
şəraiti əsasən yağmursuz olacaq. Lakin gecə və səhər
Lənkəran-Astara zonasında havanın yağıntılı olacağı gözlənilir.
Ayrı-ayrı yerlərdə duman olacaq, şərq küləyi
əsəcək.
Aran rayonlarında havanın temperaturunun gecə 4
dərəcə şaxtadan 1 dərəcəyədək isti, gündüz 3-8 dərəcəyədək isti,
dağlarda gecə 10-15 şaxta, gündüz 2 dərəcə şaxtadan 3 dərəcəyəədk
isti olacağı gözlənilir.