Azərbaycanda bu bağçada ciddi nöqsanlar aşkarlandı
23 Dekabr 2013 19:37 (UTC+04:00)
Standartlaşdırma, Metrologiya və Patent üzrə
Dövlət Komitəsi yanında Texniki Tənzimləmə və Standartlaşdırma üzrə
Dövlət Nəzarəti Xidmətinin Gəncə Ərazi İdarəsi tərəfindən Qazax
şəhəri, Bakı küçəsində yerləşən 1 saylı uşaq bağçası-körpələr
evində qidalanmanın dövlət standartına uyğunluğu
araşdırılıb.
Dövlət Komitəsinin mətbuat xidmətindən ANS PRESS-ə
verilən məlumata görə, araşdırmalar zamanı müəyyən olunub ki,
bağçada hazırlanan yeməklər müvafiq qaydada təsdiq olunmuş texniki
təlimat və reseptura olmadan hazırlanır, anbarda mal qonşuluğuna və
saxlanma şəraitinə riayət olunmur. Eyni zamanda standartın
tələblərinə uyğun olaraq bağçada 10 günlük və ya 2 həftəlik menyu
tərtib olunmalı olduğu halda gündəlik menyu tərtib olunur. Bundan
başqa tibb işçisi verilməsi nəzərdə tutulan yeməklərdən nümunə
götürmür, yeməklərin kalorilik, zülal, yağ və karbohidrat miqdarını
hesablamır.
Yoxlama zamanı bağçanın yataq və mətbəx
otağlarının gigiyenik tələblərə cavab vermədiyi aşkar
edilib.
Bu və digər nöqsanların aradan qaldırılması üçün
bağça rəhbərinə vaxt verilib.