Bir müddət öncə "Möhtəşəm maşın" şoudan ayrılan tanınmış müğənni Roza Zərgərli media nümayəndələrinə müraciət ünvanlayıb. Movqe.az-ın məlumatına görə, müğənnin müraciət ünvanlamasına səbəb, adı çəkilən yarışmada iştirak etdiyi müddətdə şəxsi "İnstagram" və "facebook" səhifəmin giriş kodunu sındırılması olub:
"Mənim xəbərim olmadan, sosial şəbəkədəki səhifəmin giriş kodlarını sındıraraq, adımdan nalayiq ifadələr, fikirlər, şəkillər paylaşıblar. Məhz bu səbəbdən başıma gələn bu məsələyə aydınlıq gətirmək, bu işdən hər kəsi xəbərdar etmək istədim. Qeyd etmək istəyirəm ki, mən Azərbaycan müğənnisi və bir xanım olaraq hər zaman etik normalara riayət edirəm. Mənə qarşı bu planı hazırlayanlar isə, çox şübhəsiz ki, məni sevməyənlərin işidir. Hazırda bu fakt üzərində araşdırmalar davam edir. Bunu edənlər, çox şübhəsiz öz cəzalarını alacaqlar".