Azərbaycan əsgəri intihar etdi
13 Yanvar 2014 17:33 (UTC+04:00)
Ağdam rayonu ərazisində yerləşən hərbi hissələrdən
birində intihar hadisəsi baş verib. ANS PRESS-in bölgə müxbirinin
verdiyi məlumata görə, hadisə birbaşa təmas xəttində qeydə
alınıb.
07.03.1995-ci il təvəllüdlü Quliyev Rüstəm
Firuddin oğlu intihar edib.O, Bakı şəhəri Nəsimi rayonundan hərbi
xidmətə çağırılıb. Hazırda ərazidəki hərbi hissənin və hərbi
prokurorluğun əməkdaşları hadisə yerində araşdırma
aparır.
İntiharın səbəbi də araşdırmalardan sonra məlum
olacaq.
Müdafiə Nazirliyinin mətbuat xidməti faktı
təsdiqləyib.