650 avtobusda ağıllı kartlar işləyəcək-Özəl
14 Yanvar 2014 13:21 (UTC+04:00)
Nəqliyyatda krt sisteminin tətbiqi fevral ayınadək genişlənəcək.
Movqe.az-a bu barədə məlumat verən Nəqliyyat Nazirliyinin mətbuat
katibliyinin müdiri Namiq Həsənov deyib ki, fevral ayından etibarən
650 avtobus kart sistemi ilə işləyəcək. N. Həsənovun sözlərinə
görə, mart ayından isə 1000-dən çox avtobus kart sisteminə keçəcək:
"Hələki iki avtobusda kart sistemi tətbiq olunur. Fevraldan isə 650
avtobusda kart sistemi tətbiq ediləcək. Amma sərnişinlər hələki
nağd şəkildə də ödəniş edə bilərlər".
N. Həsənov kartla ödəniş sistemində sərnişinlərin avtobusun
qabaq qapısından minib arxa qapısından düşməli olduğunu bildirib:
"Avtobuslara turneketlər quraşdırılmayacaq. Qabaq qapı
sərnişinlərin minməsi, arxa qapı isə düşməsi üçün nəzərdə
tutulduğundan sərnişinlər gediş haqqını avtobusa minərkən
ödəməlidirlər".