Hövsanda daha bir qəza
15 Yanvar 2014 09:40 (UTC+04:00)
Bu gün Hövsan yolunda sürücünün xəsarət alması ilə
nəticələnən yol qəzası baş verib."Duzlu göl"ə gedən yol
ayrıcında baş verən qəzada "Toyota Prado" markalı avtomobil aşıb.
Hadisə şahidlərinin sözlərinə görə, qəzaya səbəb sürücünün
idarəetməni itirərək qəfil yoldan çıxması olub. Avtomobil yoldan
çıxıb və 200 metr aralıdakı maneəyə çırpılaraq aşıb. Nəticədə
sürücü müxtəlif bədən xəsarətləri alıb. Hadisə yerinə Suraxanı
Rayon Yol Polisi Şöbəsinin əməkdaşları gəlib. Aşan maşın evakuator
vasitəsi ilə hadisə yerindən götürülüb. Sürücü isə təcili yardım
vasitəsi ilə Hövsan poliklinikasına aparılıb. Faktla bağlı Suraxanı
Rayon Yol Polisi Şöbəsində araşdırma aparılır.