ABŞ-dan şərtli yardım
16 Yanvar 2014 11:51 (UTC+04:00)
ABŞ Konqresində qəbul edilməsi gözlənilən xərcləmə layihəsi,
Misirdəki hərbi zərbədən sonra təxirə salınan 1 milyard yarım
dollarlıq yardımları yenidən qüvvəyə qoyur. Movqe.Az xəbər verir
ki, Konqresdə bu həftə görüşülən yeni xərcləmə layihəsinin Misirə
yönəlmiş 1,3 milyard dollarlıq hərbi yardım və 250 milyon dollarlıq
iqtisadi köməyi də ehtiva etdiyi, lakin bunun üçün şərtlərin təmin
edilməsi lazım olduğu deyilib. Layihə, bu yardımlar üçün ölkədə
demokratiyanın yenidən təsis etməsi yolunda addımlar atılmasını
şərt qoyur. Şərtlər arasında olan Misirin ABŞ ilə təhlükəsizlik
əlaqələrini davam etdirməsi və İsraillə arasındakı sülh
razılaşmasına sadiq qalması maddələri diqqət çəkən başlıqlar
arasındadır. Digər tərəfdən, Misirdə Konstitusiya referendumu dünən
ikinci və son gününü doldurub. Səhər saatlarında başlayan səs vermə
əməliyyatı zamanı təhlükəsizlik qüvvələrinin müdaxilə etdiyi
hərəkətlərdə 11 nəfər dünyasını dəyişib.