İcra nümayəndəsi qız qaçırdı
16 Yanvar 2014 18:55 (UTC+04:00)
Şabran rayonunda icra nümayəndəsi qız qaçırıb. ANS PRESS-in bölgə
müxbirinin verdiyi məlumata görə, rayonun Zeyvə ərazisinin icra
nümayəndəsi Şəmsi Baryamov qızın valideynlərinin icazəsi olmadan bu
addımı atıb. Rayon polisindən bu barədə məlumatsız olduğu
bildirilsədə, Şabran icra hakimiyyətindən faktı təsdiqləyiblər.
İcra Hakimiyətinin ərazi idarəetmə şöbəsinin rəhbəri İlkin Həsənov
hadisənin 10-15 gün əvvəl baş verdiyini bildirməklə yanaşı, qız
qaçıran icra nümayəndəsinin bunu evlənmək məqsədilə etdiyini
deyib.İcra Hakimiyyətinin humanitar məsələlər üzrə müavini Fikrət
Nuşiyev icra nümayəndəsinin qız qaçırmasından ancaq şifahi
məlumatlı olduğunu bildirib: "Bu barədə icra hakimiyyətinə heç bir
şikayət daxil olmayıb. Kiminsə şikayəti olsa, hüquq-mühafizə
orqanlarına şikayət edə bilər. İcra hakimiyyəti kiminsə şəxsi
həyatına qarışmaq ixtiyarı yoxdur".