İtalyanın paytaxtı Roma yaxınındakı Rieti şəhərində bir monastırda çalışan, qarın ağrısı şikayətiylə xəstəxanaya aparılan rahibə doğum edib.
Movqe.Az xəbər verir ki, El Salvador əslli 32 yaşlı, adı açıqlanmayan rahibə şiddətli qarın ağrısı şikayətiylə Rieti San Camillo deLellis Xəstəxanasına qaldırılıb . Xəstəxanada hamilə olduğu təyin olunan rahibə bir oğlan uşağı dünyaya gətirib. Hamilə olduğunu bilmədiyini iddia edən Rahibə oğluna, Rieti şəhərinin rahibi olan və Papa Françeskoya da adını verən San Françesconun adını verdiyi açıqlanıb. Normal doğumla dünyaya gələn körpənin 3.5 kilo olduğu və körpənin ilk ehtiyaclarının xəstəxanada doğum edən digər anaların aralarında yığdıqları pulla təmin edildiyi bildirilib.