Movqe.Az APA-ya istinadən
bildirir ki, Azərbaycanın Dövlət Himninin sözlərinin müəllifi,
görkəmli şair və tərcüməçi, repressiya qurbanı Əhməd Cavadın 120
illik yubileyi qeyd ediləcək.
Bu barədə Mədəniyyət və Turizm Nazirliyindən məlumat verilib.
Yubiley tədbirinin iyunun 5-də Azərbaycan Dövlət Filarmoniyasında
keçirilməsi planlaşdırılır. Yubiley mərasimində
tanınmış sənət adamları şair
haqqında danışacaq, onun şeirlərindən parçalar oxunacaq, sözlərinə
bəstələnmiş musiqilər səsləndiriləcək. Tədbirin aparıcısı millət
vəkili, Azərbaycan Milli Elmlər Akademiyasının müxbir üzvü Nizami
Cəfərovdur.
Əhməd Cavad Azərbaycan ədəbiyyatı tarixinə milli inqilabi
poeziyanın banisi kimi daxil olub və bu günədək həmin ədəbi
prosesin təkrarsız nümayəndəsi kimi
yaşamaqdadır.
Türkan Nadirqızı
Movqe.Az