Azərbaycanda zəlzələ baş verib

26 Yanvar 2014 10:53 (UTC+04:00)

Xəzərdə 3,2 bal gücündə zəlzələ baş verib. Azərbaycan Milli Elmlər Akademiyası Respublika Seysmoloji Xidmət Mərkəzindən ANS PRESS-ə verilən məlumata görə, yerli vaxtla saat 00:14-də Siyəzəndən 135 km şimal-şərqdə, Xəzər dənizində 33 km dərinlikdə zəlzələ qeydə alınıb. Zəlzələ hiss olunmayıb.

Xatırladaq ki, bir neçə gün bundan əvvəl Xəzərin Azərbaycan sektorunda zəlzələ baş verib. Respublika Seysmoloji Xidmət Mərkəzindən isə bildiriblər ki, yeraltı təkanlar yerli vaxtla saat 11:38-də Nardarandan 145 km şimal-şərqdə Xəzər dənizində qeydə alınıb. Zəlzələnin maqnitudası 3.30, dərinliyi 34 km olub.