Sərnişin avtobusu qəza törətdi 9 nəfər öldü
27 Yanvar 2014 14:45 (UTC+04:00)
Türkiyənin Sivas şəhərində dəhşətli yol qəzası baş
verib. Yıldızeli rayonunda sərnişin avtobusunun aşması nəticəsində
azı 9 nəfər ölüb, 30 nəfər də xəsarət
alıb. Bu barədə "İhlas" xəbər
agentliyi məlumat verir. Hadisə yerinə xeyli sayda təcili tibbi
yardım maşınları və xilasedici briqadaları cəlb
edilib. Vandan Ankaraya gedən
sərnişin avtobusunun Sivas yollarında buzlaşma səbəbindən aşdığı
bildirilir. Avtobusda 42 nəfər
sərnişin olduğu bildirilir. Qəza nəticəsində ölən və yaralananlar
arasında azərbaycanlıların olub-olmaması barədə məlumat
yoxdur.