Məhkəmə Rza Zərrabın xeyirinə qərar verdi
29 Yanvar 2014 10:35 (UTC+04:00)
İstanbul 18-ci Sülh Cəza Məhkəməsinin dekabrın
17-də rüşvət və qaçaqmalçılıq əməliyyatında həbs olunan Rza
Zərrabın mülklərinin müsadirə olunması haqda verdiyi qərar ləğv
olunub. "Qafqazinfo" Türkiyə mətbuatına istinadən xəbər verir ki,
Zərrab üçün qərarı İstanbul 29-cu Sülh Cəza Məhkəməsi verib.
Məhkəmənin qərarına əsasən Zərrabın mal varlığı üzərindəki "Satıla,
başqasının adına keçirilə bilməz" qərarı ləğv edilib. Qeyd edək ki,
Zərrabın müsadirə olunan mülkləri sırasında şirkətinin adına
qeydiyyatda olan "Challenger 300" tipli xüsusi təyyarə və ingilis
atı da var idi.