Paytaxta yağan güclü qar
gecə saatlarında ciddi problemlər yaradıb. Movqe.az xəbər verir ki,
qarın güclənməsi Bakının əksər yerlərini zülmətə qərq edib.
Sabunçu rayonun bir sıra
ərazilərində elektirik enerjisi kəsilib. "2-ci Zabrat" qəsəbəsində
isə 5 saat sakinlər qaranlıqda qalıblar:"Məlumat vermişik,
deyirlər işçilər yoxdu, sabah gəlib düzəldəcəklər. Bu soyuq havada
işıqsız, qazsız necə dayanaq", - qəsəbə sakinləri bildiriblər".
Eyni problem Binəqədi rayonun əksər ərazilərində yaşanıb. Binəqədi
kəndinin bir hissəsi gecə zülmətə qərq olub. Elektrik enerjisi gecə
saatlarında Masazır kəndində də kəsilib. Binəqədi şosesi
7-ərazisində də sakinlər gecəniqaranlıqda qalmalı olublar. Eləcə də
bu gecə paytaxtın əksər ərazilərində sakinlər eyni problemi
yaşayıb.
Bakıelektrikşəbəkə ASC-dən Movqe.az-a bildirblər ki, yaranmış
problemlər yüklənmələrlə bağlı olub. Və artıq demək olar ki, gecə
saatlarında elektrik enerjisi kəsilən bütün ərazilərə elektrik
enerjisinin verilişi bərpa olunub. Hazırda qurum gücləndirilmiş iş
rejimində işləyir.