Azərbaycan və ABŞ arasında əməkdaşlığın perspektivi müzakirə olunub
2 Fevral 2014 21:02 (UTC+04:00)
Azərbaycanın xarici işlər naziri Elmar Məmmədyarov Münhen
Təhlükəsizlik Konfransında iştirakı çərçivəsində ABŞ dövlət
katibinin Avropa və Avrasiya məsələləri üzrə müavini Viktoriya
Nuland ilə görüşüb.Movqe.az-ın Azərbaycanın Xarici İşlər
Nazirliyinin mətbuat xidmətinə istinadən verdiyi məlumata görə,
görüşdə Azərbaycan-ABŞ arasında ikitərəfli məsələlər, enerji
sahəsində əməkdaşlığın genişləndirilməsi və regiondakı vəziyyətə
dair fikir mübadiləsi aparılıb. Həmçinin görüş zamanı
Ermənistan-Azərbaycan münaqişəsinin sülh yolu ilə həlli
istiqamətində aparılan danışıqların hazırkı vəziyyəti müzakirə
olunub.