Bu gün “Facebook”un yaranma günüdü
4 Fevral 2014 13:49 (UTC+04:00)
Movqe.az xəbər verir ki, bu gün "Facebook"un yaranma günüdür
2004-cü il fevralın 4-də Harvard Universitetinintələbəsi Mark
Zukerberq tərəfindən "The Facebook" adlı sosial şəbəkə istifadəyə
verilib. Bu sosial şəbəkədə əvvəldə təkcə Harvard Universitetinin
tələbələri qeydiyyatdan keçə bilərdilər, mart ayından etibarən isə
Stendford, Yelsk və Kolumbiya Universitetlərinin tələbələri də
burada qeydiyyatdan keçə biliblər. 2005-ci ildə şirkət 200 min
dollara "facebook.com" domen adını satın alıb. 2006-cı il
sentyabrın 26-dan sosial şəbəkə 13 yaşından yuxarı bütün internet
istifadəçilərinə əlçatan olub. 2010-cu ildə şirkətin qiyməti 41
milyard dollar həcmində qiymətləndirilib. 2012-ci ilin mayında
"Facebook" texnologiya sənayesi tarixində ən böyük "IPO"-nu keçirib
və 16 milyard dollardan çox cəlb edə bilib. Beləliklə, şirkətin
kapitallaşdırma dəyəri 104 milyard dollar həcmində
qiymətləndirilib. Hazırda "Facebook"un 1 milyardddan çox aktiv
istifadəçisi var. Azərbaycanda isə bu sosial şəbəkədə 1 milyona
yaxın istifadəçi qeydiyyatdan keçib. Azərbaycanda "Facebook"dan
əhalinin 11.53 %-i və ölkənin ümumi internet istifadəçilərinin
22.66 %-i istifadə edir. "Facebook" istifadəçilərinin sayına görə
168 milyon istifadəçi ilə ABŞ birinci yerdədir. Bu sosial şəbəkədən
istifadə edən digər ölkələrə gəlincə isə, Braziliya (64 milyon)
ikinci, Hindistan (62 milyon) üçüncü, İndoneziya (51 milyon) isə
dördüncü yerdə qərarlaşıb. Ən az "Facebook" istifadəçisi isə 20
nəfər istifadəçisi ilə Vatikandır.