"Titanik"i batıran buzlaq sürətlə hərəkət edir
4 Fevral 2014 22:15 (UTC+04:00)
Alimlər 1912-ci ildə "Titanik"in batmasına səbəb olan Qrenlandiya
yaxınlığındakı Yakobshavn buzlağının 50 il əvvəllə müqayisədə 4 qat
daha sürətlə hərəkət etdiyini açıqlayıb. ANS PRESS-in xarici
mətbuata istinadən məlumatına görə, Vaşinqton Universitetinin
tədqiqatçıları "dünyanın ən sürətli hərəkət edən buz qayaları"
adlandırılan buzlağın ildə 17 kilometr yer dəyişdiyini sübut
ediblər. Onu da qeyd edək ki, hərəkət edərkən okeana böyük ölçüdə
buz tökən buzlağın son on ildə tək başına okean səviyyəsinin bir
millimetr yüksəlməsinə səbəb olduğu da vurğulanıb.