Tibb Universitetinin 2 müəllimi dəm qazından öldü
5 Fevral 2014 23:27 (UTC+04:00)
Yasamal rayonunun Hüseyn Cavid prospektində yerləşən binada 2 nəfər
dəm qazından boğulub. Movqe.az-ın FHN-ə istinadən məlumatına görə,
xilasedicilər mənzilin qapısının dəfələrlə döyülməsinə reaksiya
verilmədiyini görərək beşmərtəbəli yaşayış binasının 2-ci
mərtəbəsində yerləşən mənzilə eyvandan daxil olublar. Mənzilə baxış
keçirilərkən 1939-cu il təvəllüdlü Xudaverdiyeva Həqiqət Mustafa
qızı və 1940-cı il təvəllüdlü Babayev Nizami Ələkbər oğlu
hərəkətsiz vəziyyətdə aşkarlanıb. İlkin müayinə nəticəsində
H.Xudaverdiyevanın və N.Babayevin vəfat etdiyi müəyyən olunub.
Yasamal rayon polis idarəsinin 26-cı polis bölməsinin növbətçisi
ölüm hadisəsini təsdiq edib. Alınan məlumata görə dünyasını
dəyişənlər ər-arvad olub və onların hər 2-si Tibb Universitetinin
müəllimidir. Onların iki övladı və nəvələri var. Pərviz adlı
oğullarının da Tibb Universitetində çalışdığı bildirilir.