Finlandiyanın paytaxtı Helsinkidə donuz qripindən 3 nəfər həlak olub.
Helsinkidəki Uusimaa Xəstəxanasında donuz qripi virusu səbəbiylə 2 aydır reanimasiyada qalan 10 xəstədən 3-ü dünyasını dəyişib.
Movqe.Az xəbər verir ki, Xəstəxananın Baş həkimi As konJarvinen, donuz qripi səbəbiylə təxminən iki aydır reanimasiyada müalicə görən 10 xəstədən 3-ün öldüyünü ifadə edərək, reanimasiyadakı xəstələrin əvvəldən qrip peyvəndi olmadıqlarını qeyd edib.
İnfeksiya Mütəxəssisi Dr. Eava Ruotsalainen, həyatını itirən 3 xəstənin yaşlarının 55-65 arasında dəyişdiyini, amma hazırda müalicə görməkdə olan ən gənc xəstələrinin isə 37 yaşında olduğunu bildirib.
Ümumdünya Səhiyyə Təşkilatının açıqladığı hesabata görə, 2009-ci ildən başlayaraq bütün dünyanı təsiri altına alan donuz qripi səbəbiylə 203 min insan həlak olub. Təşkilat 2010-ci ildə donuz qripini epidemiya xəstəliyi kimi elan etmişdi.