Məcburi köçkünlərə xəbərdarlıq
13 Fevral 2014 15:46 (UTC+04:00)
Qaçqınların və Məcburi Köçkünlərin İşləri üzrə
Dövlət Komitəsi məcburi köçkünlərə xəbərdarlıq
edib.
Dövlət Komitəsinin mətbuat xidmətindən Movqe.az-a
daxil olan məlumatda bildirilir ki, hazırda Gəncə şəhəri ərazisində
1500 ailəlik yeni salınmış şəhərciyə məcburi köçkünlərin
köçürülməsi aparılır. Bu günə kimi 960 ailə
köçürülüb. Köçürülmə prosesi Dövlət
Komitəsi, Kəlbəcər Rayon İcra Hakimiyyəti, Kəlbəcər Rayon Polis
Şöbəsi, Gəncə Şəhər İcra Hakimiyyəti, Gəncə Şəhər Polis İdarəsinin
nümayəndələrinin və məcburi köçkün icmalarının iştirakı ilə xüsusi
yaradılmış komissiya tərəfindən püşkatma yolu ilə ailə tərkibinin
sayı nəzərə alınmaqla yüksək şəffaflıq şəraitində həyata keçirilir.
Hazırda işlər uğurla davam etdirilir. Lakin təəssüflər olsun ki, köçürmə zamanı bəzi məcburi
köçkünlər köçürülən obyektdə yaşamadığından, ev almaq üçün sonradan
gəlib həmin obyektlərə müxtəlif qanunsuz yolla yerləşərək,
hədə-qorxu gəlməklə ev almaq istəyirlər. Dövlət Komitəsinin mətbuat xidməti bir daha məcburi
köçkünlərin nəzərinə çatdırır ki, köçürülmə zamanı bu cür hallara
yol verməsinlər və bu sahədə işlər tam nəzarətdə olduğundan bütün
neqativ halların qarşısı alınacaq.