Mağazalardan qadağan olunmuş dini ədəbiyyatlar götürüldü
15 Fevral 2014 20:42 (UTC+04:00)
Bakıda fəaliyyət göstərən iki mağazadan qanunla qadağan olunmuş
dini təyinatlı ədəbiyyat və elektron daşıyıcılar götürülüb.
Movqe.az-ın DİN-in rəsmi saytına istinadən verdiyi məlumata görə,
Baş İctimai Təhlükəsizlik İdarəsi və Nərimanov RPİ əməkdaşlarının
birgə keçirdikləri əməliyyat-axtarış tədbirləri nəticəsində
Kazımzadə küçəsində Ucar rayon sakini Revanur Albukayra məxsus
mağazadan qanunla qadağan olunmuş 40 ədəd dini təyinatlı ədəbiyyat,
habelə 10 ədəd CD və DVD disklər, N.Hacıyev küçəsində Oğuz rayon
sakini Arzuman Piriyevə məxsus mağazadan isə 19 ədəd dini təyinatlı
DVD aşkar edilərək götürülüb. Faktla bağlı araşdırma aparılır.