Lənkəranda piyada yol qəzasında ölüb
16 Fevral 2014 22:03 (UTC+04:00)
Lənkəranda piyadanın ölümü ilə nəticələnən ağır yol-nəqliyyat
qəzası baş verib. Movqe.az-ın məlumatına görə, hadisə fevralın
16-da rayonun Şıxəkəran kəndi ərazisində qeydə alınıb. Astara şəhər
sakini, 1988-ci il təvəllüdlü Araz İbrahim oğlu Novruzlu idarə
etdiyi "VAZ-2107" markalı avtomobillə Astara istiqamətində
hərəkətdə olarkən yolu keçmək istəyən piyada, rayonun Şıxəkəran
kənd sakini, 1936-cı il təvəllüdlü Məmmədağa Xudabaxış oğlu Əliyevi
vurub. M.Əliyev aldığı çoxsaylı bədən xəsarətlərindən hadisə
yerindəcə dünyasını dəyişib.İlkin versiya kimi hadisənin sürücünün
avtomobili yüksək sürətlə idarə etməsi səbəbindən baş verdiyi
bildirilr. Hadisəni törətmiş sürücü saxlanılıb. Faktla bağlı
Lənkəran Şəhər-Rayon Polis Şöbəsində araşdırma aparılır.