Çörək zavodunda partlayış
17 Fevral 2014 20:25 (UTC+04:00)
Beyləqan rayonunda yerləşən çörək zavodunda güclü partlayış olub.
Beyləqan rayon polis şöbəsindən ANS PRESS-ə verilən məlumatına görə
partlayış nəticəsində 5 nəfər xəsarət alıb. Xəsarət alanlar çörək
zavodunun işçiləri - Vəzifə Süleymanova, Nəzakət Quliyeva, Xalidə
Həsənova, Zemfira Abbasova və Məfkurə Fəfəcovadır. Partlayışın qaz
sızmasından baş verdiyi ehtimal olunur. Faktla bağlı araşdırmalar
aparılır. Beyləqan Mərkəzi Rayon Xəstəxanasının baş həkiminin
sözlərinə görə, xəstələrdən 4-nün 1-2-ci dərəcəli termik yanıqları
var. "Birinin isə ayağında sınıq var. Bir nəfər stasionarda
qalacaq, qalanları isə ambulator müalicəyə göndəriləcək".
Yaralı Nəzakət Quliyeva "Heç nəyim yoxdur, yaxşıyam, hadisənin necə
olduğunu bilmirəm" sözlərini deyib. Hadisə yerində FHN-nin və
Beyləqan rayon prokurorluğunun əməkdaşları araşdırma aparır.
Hadisənin səbəbləri də araşdırmanın sonunda məlum olacaq.