Paytaxt otellərində "nömrələrə" qalxan qadınlardan pul tələb olunur"-Özəl
20 Fevral 2014 16:03 (UTC+04:00)
Paytaxtda yerləşən bəzi otellərdə "nömrələrə" qalxan qadınlardan
pul tələb olunur. Bu barədə Movqe.az-a
Qadın Krizis Mərkəzinin rəhbəri Mətanət Əzizova məlumat verib. M.
Əzizov artıq bəzi otellərin otel adı altında əxlaqsızlıq yuvası
kimi fəaliyyət göstərdiyini söyləyib: "Bu yaxınlarda bizim
Gürcüstandan və Rusiyadan qonaqlarımız gəlmişdi. Onları paytaxtın
mərkəzində yerləşən otellərdən birinə yerləşdirmişdik. Onlarla
otelə görüşə gedərkən qonaqlarımızın yerləşdiyi nömrələrə qalxan
xanımlardan elə "qəbul" bölməsində pul ödəmək tələb olunuşdu.
Məsələni araşdırdıqda məlum oldu ki, paytaxtda bəzi otellərdə
nömrələrə qalxan xanımlardan pul tələb olunur. Otel rəhbərliyinin
fikrincə,xanımlar nömrələrə qalxırlarsa deməli cinsi əlaqə xidməti
üçün aldıqları puldan otelə də ödəməlidirlər. Hətta paytaxtda
yerləşən əksər otellərdə bir neçə saatlıq otel xidməti məhz otelə
bu məqsədlə gələnlər üçün göstərilir".