Metroda bomba xəbəri
21 Fevral 2014 13:57 (UTC+04:00)
Polisə yalan məlumat vermiş ruhi xəstə saxlanılıb.
Daxili İşlər Nazirliyinin mətbuat xidmətindən verilən məlumata
görə, fevralın 20-də saat 07 radələrində naməlum şəxs Yasamal
rayonu Azərbaycan prospektindəki taksofondan DİN-in "102" Zəng
Mərkəzinə zəng edərək "Nizamidə bomba var" deyib dəstəyi
asıb. Yasamal RPİ 26-cı PB və MTN-in
Yasamal Rayon İdarəsi əməkdaşları tərəfindən dərhal müvafiq
tədbirlər görülüb. Lakin məlumat təsdiqini
tapmayıb. Aparılmış araşdırmalarla
məlumatın Bakı şəhər sakini, ruhi xəstə Eldəniz Balayev tərəfindən
verilməsi müəyyən edilib. O, polis tərəfindən saxlanılıb.