Rəhim Rəhimli : "Ramalın ixtiyarı yoxdur ki..."
24 Fevral 2014 12:06 (UTC+04:00)
Müğənni bəstəkar Rəhim Rəhimli xalq artisti Aygün Kazımovanın
müdafiəsinə qalxıb. Mövqe.az xəbər verir ki, "Biletini alma"
mahnısının müəllifi Ramal İsrafilov həmin mahnını Aygün Kazımovaya
verib. Sonradan isə xalq artistinin ifasını bəyənmədiyini və bu
bəstəni özü ifa etmək qərarı verdiyini açıqlayıb. Rəhim Rəhimli
mövcud vəziyyətə öz mövqeyini bildirib: "Bəstəkarın öz mahnısını
oxumağa haqqı var. Amma bunun üstündən illər keçməlidir ki, sən onu
fərqli, yeni aranjimanda təqdim edəsən. Aygün xanım bu mahnını
oxuyub, möhürünü vurub. Ramalın ixtiyarı yoxdur ki, durub desin,
sən yaxşı oxumadın. Bəstəkar özü o qədər gözəl ifa etməlidir ki, bu
sözü dilinə gətirə bilsin. Ramalda hərdən belə hallar olur, bir
addım atır, ardından peşman olur. Bu bəstənin haqqı Aygün
Kazımovaya verilib. İllər sonra da bunu Ramal oxusa, qulaqlara
Aygünün səsi gələcək. Mahnı onun adı ilə bağlanacaq. Sən mahnını
ərsəyə gətirdin, amma onu başqasına verdin, elə bil, doğulan
körpəni övladlığa vermisən. Sənin ixtiyarın yoxdur ki, durub onu
təzədən yiyəsindən xəbərsiz oxuyasan. Ən azından Aygün Kazımovanın
xəbəri olmalıydı".
Ardı süjetdə...
http://www.youtube.com/watch?list=UUJ4t7gddQ7Vvf0TfLoWQDaA&v=BKodeIr_5XY