Martda 10 gün iş olmayacaq
27 Fevral 2014 14:30 (UTC+04:00)
Mart ayında 10 gün iş olmayacaq. Nazirlər Kabineti
8 Mart - Beynəlxalq Qadınlar Günü və Novruz bayramı ilə bağlı
Azərbaycanda qeyri-iş günlərinin sayını
açıqlayıb. Nazirlər Kabinetinin
qərarına əsasən bu il martın 20-i, 21-i, 22-si, 23-ü və 24-ü
ölkəmizdə Novruz bayramı günü kimi qeyd olunacaq. Martın 22-si və
23-ü şənbə və bazar günlərinə düşdüyündən martın 25-ü və 26-i də
ölkədə qeyri-iş günü olacaq. 8 mart
tarixi şənbə gününə düşdüyü üçün martın 10-u da qeyri-iş günü
sayılacaq. Qeyd edək ki, Əmək
Məcəlləsinə əsasən, bayramlar şənbə və bazar günlərinə düşərsə,
növbəti həftənin ilk iş günü istirahət günü hesab olunur.