Pan Ki Mun da Rusiyaya müraciət etdi
2 Mart 2014 09:18 (UTC+04:00)
BMT-nin baş katibi Pan Ki Mun Ukraynanın ərazi bütövlüyü,
suverenliyi və müstəqilliyinə hörmtlə yanaşılmasını tələb edib. ANS
PRESS-in xəbərinə görə, baş katibin məruzəçisi Martin Nesirki
keçirdiyi mətbuat kopnfransında Pan Ki Munun Ukraynada və xüsusilə
də Krımda baş verənləri yaxından təqib etdiyini, vəziyyətin daha da
pisləşəcəyi ehtimalı ilə narahat olduğunu deyib. Nesirki
bildirib ki, baş katib münaqişənin sülh yoluyla həlli üçün
tərəfləri birbaşa dialoq yoluna dəvət edib. Məsələ ilə bağlı Pan Ki
Munun Rusiya prezidenti Vladimir Putinlə də danışacağını deyən
məruzəçi BMT Təhlükəsizlik Şurasının toplantısında baş katibin
müavini Yan Eliassonun bu barədə çıxış edəcəyini deyib. Ukraynada
səfərdə olan Pan Ki Munun köməkçisi Robert Serrinin bu gün Krıma
getmək istədiyini, bu mümkün olmadığından Cenevrəyə qayıdacağını
deyən Nesirli, köməkçinin baş verənlər barədə Pan Ki Muna şəxsən
məlumat verəcəyini vurğulayıb.