“Nargis” artıq Tiflisdə də tanınacaq
2 Mart 2014 11:02 (UTC+04:00)
Tiflisin Tarix Muzeyində ictimaiyyət nümayəndələrinin iştirakı ilə
Azərbaycanda nəşr olunan "Nargis" jurnalının təqdimatı keçirilib.
Movqe.az xəbər verir ki, mərasim iştirakçılarına jurnalın əsasən
qadın oxucular üçün nəzərdə tutulduğu və onun yaranması ideyasının
təxminən iki il əvvəl meydana çıxdığı bildirilib. "Nargis"in
təsisçisi Ülviyyə Rəhmanova jurnalistlərə deyib: "Nəşrin ərsəyə
gəlməsi üçün xeyli əmək sərf etdik və tezliklə uğur qazandığımıza,
oxucular arasında populyarlıq tapdığımıza görə şadam". Ü.Rəhmanova
Gürcüstanı sevdiyini və jurnalın təqdimatının bu ölkənin
paytaxtında keçirilməsindən məmnun olduğunu vurğulayıb. Aktyor İa
Parulava "Nargis"in Gürcüstanda təqdimatını alqışlayıb, jurnalda
maraqlı məqalələrin, fotoların olduğunu, mədəniyyət, incəsənət və
başqa sahələrə aid sanballı yazılara, qadınlar üçün çox maraqlı
məsləhətlərə yer verildiyini bildirib. Mərasimdə Azərbaycan
Respublikasının Gürcüstandakı səfiri Azər Hüseyn də iştirak edib.