Amerika Rusiyanı cəzalandırdı
6 Mart 2014 18:35 (UTC+04:00)
ABŞ Ukraynaya ilə bağlı tutduğu mövqeyə görə
Rusiya məmur və fiziki şəxslərinə qarşı sanksiyalar tətbiq edir.
ANS PRESS-in məlumatına görə, Ağ Ev əsas fokusu Ukraynanın ərazi
bütövlüyünə və suverenliyinə təhlükəyə görə məsuliyyət daşıyan
şəxslərə qarşı yönəldəcəyini bildirib.
"Prezidentin tapşırığı ilə bu gün Dövlət
Departamenti bir sıra məmurlara və fiziki şəxslərə qarşı viza
sanksiyaları tətbiq edir", - deyə məlumatda
bildirilir.
Bu gün tezdən Krım parlamenti Muxtar Respublikanın
Rusiyanın tərkibinə daxil olması və respublikanın hüquqlarının
genişləndirilməsi ilə bağlı nəzərdə tutulan referendumun martın
16-a keçirilməsi ilə bağlı qərar qəbul edib.