Türkiyənin əfsanəvi Ergenekonçuları azadlığa çıxdı
10 Mart 2014 21:22 (UTC+04:00)
Bu gün 2007-ci ildə başlayan və dalğa-dalğa həyata keçirilən
əməliyyatlar və həbslər nəticəsində Türkiyənin bir nömrəli
gündəmini təşkil edən "Ergenekon" prosesində ardıcıl olaraq
azadlığa buraxılmalar barədə məlumatlar verilir.Movqe.az-ın verdiyi
məlumata görə, akademik Yalçın Küçükdən sonra Ağır Cəza məhkəməsi
Məhmət Əli Çələbi, Həsən İğsız, Şənər Eruygur, Mərdan Yanardağ və
Ələddin Sevimin azadlığa buraxılması barədə qərar qəbul edib.Qeyd
edək ki, bundan əvvəl Ergenekon işi əlaqədar həbs edilmiş Tuncay
Özkan, təqaüddə olan polkovnik Levent Göktaş və Sədat Pekerdən
sonra vəkil Kamal Kerinçsiz, təqaüddə olan Dursun Çiçək, İbrahim
Şahin və Alparslan Arslanın həbsdən azad edilməsi barədə qərar
verilmişdi.Bu arada, Ergenekon işi ilə əlaqədar həbsdən azad etmə
qərarlarını verən İstanbul 20-ci Ağır Cəza Məhkəməsi Kamal
Kerinçəsizə ölkə xaricinə çıxmaq barədə də qadağa qoyub. Sözü gedən
şəxslərin Ergenekon prosesi ilə əlaqədar azad edilməsinə
baxmayaraq, hakimlərə qarşı söyüş söydüyü əsas gətirilən Alparslan
Arslan daha 4 il 2 ay həbsdə qalacaq.