Mixail Xodorkovski Putini tənqid edib
10 Mart 2014 21:27 (UTC+04:00)
Bir qədər əvvəl azadlığa çıxan Mixail Xodorkovski Rusiyanın
Ukraynaya hərbi təcavüzünü pisləyib. Movqe.az-ın məlumatına görə,
Xodorkovski Kiyevdə Ukrayna Dövlət Texniki universitetinin
tələbələri qarşısında çıxış edərkən bildirib ki, Rusiya 19-cü
əsrdəki kimi addım atıb.Xodorkovski Krımın ruslar üçün "müqəddəs
yer" olduğunu və Kiyev tərəfindən bunun nəzərə alınmasının
vacibliyini bildirib.Onun sözlərinə görə, Krıma geniş muxtariyyətin
verilməsi və yarımadada birgə Rusiya-Ukrayna iqtisadiyyat zonasının
yaradılması yaranmış böhrandan ən yaxşı çıxış yolu olardı.Tələbələr
Xodorkivskinin dediklərinin heç də hamısı ilə razılaşmayıb. Onların
fikrincə, Xodorkovski Rusiyanı Ukraynanın "böyük qardaş"ı kimi
görür.