Ölkədə onkoloji xəstə olan uşaqların sayı açıqlandı-Özəl
13 Mart 2014 16:47 (UTC+04:00)
Azərbaycanda 305 uşaq ankoloji xəstəlikdən əziyyət çəkir. Bu
sözləri Movqe.az-a açıqlamasında Səhiyyə Nazirliyinin baş onkoloqu
Azad Kərimli söyləyib. A. Kərimli bildirib ki, uşaqlar arasında
onkoloji xəstəliklərə əvvəllər də rast gəlinib: "Uşaqlar arasında
onkoloji xəstəliklərə əvvəllər də rast gəlinib. Sadəcə olaraq
əvvəllər Azərbaycanda onkoloji xəstəliklərə mübtəla olan uşaqlarda
bu xəstəliyi müalicə etmək üçün şərait yox idi. Artıq 4 ildir ki,
Azərbaycanda Uşaq Onkoloji Mərkəzi fəaliyyət göstərir. Bu
Mərkəzdə onkoloji xəstəliklərdən əziyyət çəkən uşaqlar müayinə və
müalicə olunur. Halbuki, bir neçə il bundan əvvələ kimi belə xəstə
uşaqları müalicə üçün ancaq xarici ölkələrə aparırdılar".
A. Kərimli bildirib ki, onkoloji xəstəliklər uşaqlarda daha tez
müalicəyə tabe olur və yaxşı nəticə əldə etmək imkanı böyüklərə
nisbətən daha çoxdur.