“Mərkəzi Bank və İqtisadiyyat Jurnalı: Məqalələr və tədqiqat işləri silsiləsi” adlı elektron jurnalın növbəti sayı hazırlandı

13 Mart 2014 19:09 (UTC+04:00)

13 mart 2014, Bakı: Azərbaycan Respublikası Mərkəzi Bankının "Mərkəzi Bank və İqtisadiyyat Jurnalı: Məqalələr və tədqiqat işləri silsiləsi" adlı elektron jurnalının növbəti 2014-cü ilin birinci rübü üzrə sayı hazırlanıb.

Jurnalın bu sayı makroiqtisadi və məzənnə siyasətləri, risklərin modelləşdirilməsini, iqtisadi inkişafın sosial aspektlərini və digər nəzəri-empirik məsələləri özündə əks etdirən məqalələri və tədqiqatları əhatə edir. Həmçinin jurnada peşəkar auditoriya üçün iqtisadi məsələlərə yeni və ya adaptasiya olunmuş metodoloji yanaşmaları, Azərbaycan iqtisadiyyatı ilə bağlı fundamental elmi araşdırmaların nəticələrini, habelə qlobal beyin mərkəzlərində son zamanlar aktuallaşan mövzuların tədqiqi təqdim edilir.