Mikayıl Cabbarov: “Əsas məqsəd odur ki, Azərbaycanda ali təhsil müəssisələrinin səviyyəsi daimi olaraq artsın”
15 Mart 2014 13:33 (UTC+04:00)
"Əsas məqsədimiz ali məktəblərdə təhsil almış məzunlarımızın yalnız
Azərbaycan iqtisadiyyatında, ölkəmizin sosial həyatında deyil, daha
geniş götürsək, qlobal əmək bazarında tətbiq oluna bilən biliklərə
malik olmalarına şərait yaratmaqdır".Movqe.az-ın məlumatına görə,
bunu Təhsil naziri Mikayıl Cabbarov təhsil uğurları ilə seçilən
tələbələrlə görüşündə çıxışı zamanı deyib.Nazir bildirib ki,
tələbələr müasir düşüncə tərzinə, öyrənmə bacarıqlarına nail
olmaları vacibdir: "Bu heç bir dövlət üçün asan vəzifə deyil. Lakin
bunun başqa yolu da yoxdur. Bütün digər sahələrdə olduğu kimi,
təhsil sahəsində də qlobal rəqabətlə qarşılaşırıq".M. Cabbarov
deyib ki, xaricdə təhsil proqramı məhz bunun üçün imkan və şərait
yaradır: "Əsas məqsəd odur ki, Azərbaycanda ali təhsil
müəssisələrinin səviyyəsi daimi olaraq artsın. Necə ki, bu gün biz
bunu bir sıra universitetlərdə artıq görürük. Həmin
universitetlərdə dünyanın istənilən şirkətinin standartlarına cavab
verən mütəxəssislər hazırlanır. Lakin bu universitetlərin və
məzunların sayı daimi olaraq artmalıdır. Lakin təəssüflər olsun ki,
biz çox hallarda belə bir yanaşma ilə rastlaşırıq ki, universitetə
daxil olmaqla tələbənin işi artıq bitir. Təbii olaraq bu belə
deyil. Heç də bir universiteti müvəffəqiyyətlə bitirmək tələbənin,
məzunun və ya vətəndaşın öz üzərinə düşən işin uğurla başa
çatdırılması demək deyil. Hər birimizin uğuru gərgin əməyə
əsaslanmalıdır".