Rusiya BMT TŞ-nın Krımda keçiriləcək referendumun əleyhinə olan qətnaməsini bloklayıb
15 Mart 2014 22:07 (UTC+04:00)
Rusiya BMT TŞ-nın Ukraynaya dair qətnamə layihəsinin əleyhinə səs
verib.Movqe.az-ın "RİA Novosti"yə istinadən verdiyi xəbərə görə,
BMT Təhlükəsizlik Şurasının daimi üzvü olan Rusiya veto hüququndan
istifadə edərək Krımda keçiriləcək referendumun ləğv edilməsini
nəzərdə tutan qətnamənin qəbul olunmasını bloklayıb. Digər üzvlər
qətnamənin lehinə səs verib, Çin isə bitərəf qalıb.Rusiyanın
BMT-dəki daimi nümayəndəsi Vitali Çurkin Rusiyanın Krım xalqının
seçiminə hörmətlə yanaşacağını qeyd edib. ABŞ tərəfindən irəli
sürülən qətnamə layihəsi Krımda keçiriləcək referendumun legitim
olmayacağını nəzərdə tutur və bütün ölkələri onun nəticələrini
tanımamağa çağırır.Xatırladaq ki, Krım Muxtar Respublikasının
statusuna dair referendum martın 16-da keçiriləcək