Lionel Messini başqa kluba göndərirlər
16 Mart 2014 12:29 (UTC+04:00)
İspaniyanın "Barselona" klubunun argentinalı
futbolçusu Lionel
MessiFransanın PSJ klubuna
keçəcək.
Anspress-in məlumatına görə, bu açıqlamanı FİFA
rəsmisi Fransua
Qallardoverib. Onun sözlərinə görə,
Messinin PSJ-yə transferi mövsüm başa çatandan sonra
reallaşacaq.
FİFA rəsmisi bildirib ki, ulduz futbolçu bu
transferindən illik 30 mliyon avro qazanacaq.
Xatırladaq ki, Lionel Andres Messi 24 iyun 1987-ci
ildə Argentinanın Rosario şəhərində dünyaya göz açıb. Rodrigo və
Matias adlı iki böyük qardaşı, Maria Sol adlı özündən kiçik bir
bacısı var.
Lionel Messi 5 yaşında atasının məşqçilik etdiyi
"Qrandoli" klubunda futbol oynamağa başlayıb. 1995-ci ildə, 11
yaşında Messi "Newell's Old Boys" klubuna keçir. Klubun həkimləri
isə ona "İnkişafdan qalma" diaqnozu qoyurlar. Bu ərəfədə
Argentinanın məşhur "River Plate" klubu onu almaq istəyir. Lakin
onun müalicəsi üçün aya 500 dollar vermək lazım idi ki, klub da
bununla razılaşmaq istəmirdi. Hər şeyin müəmmalı qaldığı bir
vəziyyətdə "Barselona"nın idman direktoru Karles Reksaç Messinin
oyununu görür və onunla müqavilə bağlayır. Bundan sonra "Barselona"
bütün müalicə xərclərini öz üzərinə götürür və Messi ailəsi ilə
birlikdə Avropaya köçür. Burada yeni həyata qədəm qoyan Messi
klubun gənclər komandasında çıxış etməyə başlayır.
Messi klubda ilk debüt oyununu 16 oktyabr 2004-cü
ildə Espanyol komandasına qarşı keçirir. Bu zaman o, klubun
heyətində çıxış edən ən gənc oyunçu kimi tarixə düşür. Albasete
klubu ilə oyunda ilk qolunu vuran zaman onun cəmi 17 yaşı var idi
və Messi "Barcelona" klubunun tarixinə ən gənc qol vuran oyunçu
kimi düşüb.
"Barselona"da oynayan Messi hazırda dünyanın ən
yaxş futbolçusudur. Lionel Messi ardıcıl olaraq 4 il - 2009, 2010,
2011 və 2012-ci illərdə - "Qızıl Top" mükafatına layiq görülüb.
2013-cü ildə isə Frank Riberi və Kriştianu Ronaldu ilə birgə bu
mükafata namizədlərdən biri olub, ancaq bu dəfə qazanan "Real
Madrid"in oyunçusu Kriştianu Ronaldu olub.