Azərbaycanın fövqəladə hallar naziri Kəmaləddin Heydərov İran prezidenti ilə görüşüb
16 Mart 2014 12:29 (UTC+04:00)
Azərbaycanın fövqəladə hallar naziri Kəmaləddin Heydərovun başçılıq
etdiyi nümayəndə heyəti İranda səfərdədir. Movqe.az-ın xəbərinə
görə, bu gün K. Heydərovu İran prezidenti Həsən Ruhani qəbul
edib.
Görüşdə prezident Ruhani İran və Azərbaycanın mövcud imkanlardan
istifadə edərək, əlaqələri və iqtisadi əməkdaşlığı inkişaf
etdirməli olduğunu qeyd edib.İranın rəsmi İRNA agentliyinin
məlumatına görə, H. Ruhani rəsmi Tehran və Bakı arasında
əməkdaşlığın daha da inkişafı üçün imkanlar olduğunu da vurğulayıb:
" İran Azərbaycan da daxil olmaqla qonşu ölkələrlə münasibətləri
inkişaf etdirmək niyyətindədir".Öz növbəsində Kəmaləddin Heydərov
Azərbaycan prezidenti İlham Əliyevin salamlarını İran prezidentinə
çatdırıb.Nazir qeyd edib ki, Tehran-Bakı əlaqələrinin inkişafı ilə
bağlı Azərbaycan və İran prezidentlərinin qətiyyət və iradəsi öz
bəhrəsini verir.
K. Heydərov iki qonşu xalqın tarixi mədəni və dini birliyinin bu
gün də iqtisadi və mədəni əlaqələri inkişaf etdirməyə stimul
verdiyini bildirib. İRNA-nın xəbərinə görə, K. Heydərov həmçinin
İranın Gömrük İdarəsinin rəisi Masud Karbasian, Mədən Sənayesi
İdarəsinin rəhbəri Mehdi Karbasian ilə də görüşüb.