Fransanın paytaxtı Parisdə və digər 17 vilayətində
havanın çirklənməsi pik vəziyyətə çatıb. Paris şəhərini bürüyən
qatı duman artıq 5 gündən çoxdur ki, çəkilmir.
Fransada ekoloji çirklənmənin qarşısının alınması
üçün tədbirlər görülür. Paris sakinlərinin ekoloji vərdişlərini
dəyişdirmək və həftəsonlarında sakinləri şəxsi avtomobillərdən az
istifadəyə öyrəşdirmək üçün, yerli hökümət şənbə və bazar
günlərində ictimai nəqliyyatı o cümlədən metronu pulsuz edib.
Nəticənin o qədər də effektiv olmadığını görən hökümət atmosferin
qorunması üçün Fransa höküməti qəti ölçülərə getməli
olub.
Fransanın Ekologiya Naziri Filip Martin hava
çirklənməsinin qarşısının alınmasına dair dövlət planı elan edib.
Əsas ölçülərdən biri kimi 30 vilayətdə yüksək çirkləndirici
nəqliyyat vasitələrinə sürət məhdudiyyətləri tətbiq olunacaq.Yüksək
çirklənmə səviyyəsi bundan əvvəl Fransada dekabr ayında, Paris və
Paris ətrafı ərazilərdə qeydə alınıb. Çirklənmənin əsas payının
dizellə çalışan maşınlara düşdüyü deyilir. Ölkənin ekologiya
nazirliyi ətraf mühit fəallarının və (ekoloqların) sərt təzyiqləri
ilə üz-üzə qalıb.
Onlar qatı toz dumanın yenə baş verməməsi üçün
hökümətdən alternativ nəqliyyat sisteminin yaradılmasını tələb
edir. Bəziləri istirahət günlərində adi nömrə nişanlı
avtomobillərin yollarda hərəkətinə qadağa qoymağı səsləsə də
nazirlik belə bir icbari qaydanın müşkil məsələ olduğunu bildirib.
Ekoloji planın digər ölçülərinə yük maşınlarının Parisin
(mərkəzinə) girişinə qadağa qoyulması, velosipedlərin pulsuz
icarəyə verilməsi daxildir.