Masallıda yaşayış evində qaz partlayışı
olub,ailənin 4 üzvü yaralanıb. Hadisə dünən səhər saatlarında rayon
mərkəzində 37 yaşlı Ramin Ələkbərova məxsus həyətyanı sahədə inşa
olunmuş ümumi sahəsi 80 kvadratmetr olan 2 otaqlı köməkçi tikilidə
baş verib.
Qaz sızması nəticəsində baş verən partlayışdan
sonra yanğın olub. Köməkçi tikilidə yaşayan bir ailənin 4 üzvü - 37
yaşlı Ramin Ələkbərov, onun həyat yoldaşı, 30 yaşlı İlhamə
Ələkbərova, qızları, 10 yaşlı Gülsüm və 3 yaşlı Təhminə müxtəlif
dərəcəli yanıq xəsarətləri ilə xəstəxanaya aparılıb. Burada onlara
ilkin tibbi yardım göstərilib.
Ailə başçısının, onun həyat yoldaşının və 3 yaşlı
qızı Təhminınin yanıq xəsarətləri cox olduğundan onlar təcili
olaraq Bakıya Yanıq Mərkəzinə yola salınıblar. Mərkəzin şöbə müdiri
vüqar ələkbərovun verdiyi məlumata görə bədənin 50 faizi yanan
Ramin Ələkbərov reanimasiya şöbəsinə
yerləşdirilib.
Ailənin qalan üzvlərinin vəziyyəti isə nisbətən
yaxşıdı.