"Moyka"lara qarşı reydlər keçirilir
18 Mart 2014 16:10 (UTC+04:00)
Paytaxtda, eləcə də magistral yolların kənarlarındakı avtomobil
yuyucu məntəqələri yolların asfalt örtüyünü dağıtmaqla yanaşı
yollarda avtomobillərin hərəkətinə də maneə yaradır. Bu
sözləri Movqe.az-a açıqlamasında "Azəryolservis" ASC-nin mətbuat
xidmətinin rəhbəri Pünhan Mürsəliyev söyləyib. P. Mürsəliyev
Movqe.az-a açıqlamasında bildirib ki, yuyucu məntəqələr suyu
yollara axıdaraq asfalt örtüyünü dağıtmaqla yanaşı avtomobillərin
hərəkətinə də çox vaxt maneə yaradır. P. Mürsəliyev bildirib ki,
ASC-nin nəzdindəki Yolların Mühafizə İdarəsi avtomobil yuyucu
məntəqələrinə qarşı cərimələr tətbiq edir. Və reydlər keçirilir:
"Həmin yuyucu məntəqələrin sahibləri İnzibati Xətalar Məcəlləsinə
uyğun olaraq cərimələnirlər. Amma yolların hamısının mühafizəsinə
bizim qurum baxmır. Bəzi yollar, xüsusilə Bakının küçə və
prospektləri Bakı Şəhər İcra Hakimiyyəti tərəfindən mühafizə
edilir".
Bakı Şəhər İcra Hakimiyyətindən isə Movqe.az-a bildiriblər ki,
Əsaslı Təmir və Tikinti İdarəsi ilə yanaşı Nəzarət şöbəsi də
yollarda vəziyyətə nəzarət edir.