Bayramda Bakıda 150-yə yaxın təcili yardım briqadası iş başında olacaq
20 Mart 2014 13:41 (UTC+04:00)
Bayram və istirahət günlərində Bakı Şəhər Təcili
və Təxirəsalınmaz Yardım Stansiyasının həkimləri gücləndirilmiş iş
rejimində işləyəcəklər.
Stansiyadan verilən məlumata görə, Dənizkənarı
Milli Parkda keçiriləcək şənlik və bayram tədbirləri ilə əlaqədar
"Azneft" meydanı, Kukla Teatrı, Qız qalası və Hökumət evinin
qarşısında 4 həkim briqadası növbədə
duracaqdır.
Bundan başqa, Suraxanı rayonu ərazisindəki
"Atəşgah"da da həkimlər növbədə olacaqlar.
Bütün təcili yardım stansiyalarında lazımı dərman
və tibbi yardım məmulatları vardır.
Ümumilikdə bayram günlərində paytaxtda 143 təcili
yardım briqadası tam tərkibdə işləyəcəkdir.