Möcüzəvi kəşf: ölüləri diriltdi
20 Mart 2014 14:48 (UTC+04:00)
Dövrümüz inkişaf etdikcə hər gün eşitmədiyimiz
qəribə hadisələrlə rastlaşırıq. Zamanın inkişafı elmin inkişafı ilə
paralel olaraq qarşımıza bizim qəbul edə bilməyəcəyimiz əməlləri
çıxarır. Bəzən elm adamlarının, alimlərin ixtira etdikləri,
yaratdıqları bizə möcüzə kimi görünür. Heyvanın, insanın
klonlaşdırılması və digər kəşflər bizim qəbul edə bilməyəcəyimiz
ixtiralardı.
Bundan başqa, elə elmi kəşfləri biləndə tüklərimiz
ürpənir. Movqe.az-ın məlumatına görə, belə kəşflərdən biri də,
ölünün dirildilməsidir. 1930-cu ildə ölüləri diriltmə dərnəyi
təşkil olunub. Həmin dərnəyin rəhbəri, həkim Robert Korniş yeni
ölən heyvanları təkrar həyata qaytarmaq istəyib. Onun məqsədi bu
əməliyyatı uğurla yerinə yetirib, insanların da həyatını uzatmaq
olub. Bunu üçün o, yeni ölən itlərin damarlarına adrenalin və bəzi
kimyəvi maddələr vurub. Bundan sonra həmin itlərin bəziləri təkrar
dirilib. Lakin onlar adi heyvanlr kimi yaşamayıblar. Həmin itlərin
beyinləri normal olmayıb. Bəziləri isə görmədən məhrum
olub.
1933-cü ildə psixologiya elmi üzrə alim Klarense
Leuba insanın qıdıqlanan zaman gülməsini öyrənməyə başlayıb. O,
araşdırmalara razılıq verən könüllü olmadığı üçün öz övladından
istifadə edib. Alim yeni doğulan oğlunu qıdıqlamaqla, onun
reaksiyasını yoxlayıb. 7 ay müddətində apardığı müşahidələr
nəticəsində, Klarense Leuba belə qərara gəlib ki, insan qıdıqlanan
zaman qeyri-ixtiyari olaraq gülür.
1954-cü ildə isə Sovet cərrahı Vladimir Demirkov
dəhşətli bir əməliyyta keçirib. O, bir it balasını Alman itilə
birləşdirib. Cərrah əməliyyta ilə itlərin başını və aşağı
ətraflarını bir-birinə tikib. Əməliyyat uğurla sona çatıb. Hər iki
baş ayrılıqda süd içib. Hətta itlər bir-birinin qulaqlarını
dişləməyə başlayıblar. Lakin küçüklər bir aydan sonra
ölüblər.
Daha bir şok açıqlama isə malyariya xəstəliyinin
keçici olmadığını isbat etməyə çalışan həkim Stubins Fritdən gəlib.
O, bu xəstəliyin insandan insana keçmədiyini sübut etmək üçün özünü
fəda etməkdən çəkinməyib. Həkim malyariya xəstəliyinə tutulan
insanın tüpürcəyini əlindəki yarasına sürtüb. Bundan sonra həmin
xəstəliyin yalnız ağcaqanadlar vasitəsilə yayıldığı
dəqiqləşib.
Daha bir maraqlı testi isə amerikalı alim Lan
Osvard keçirib. O, 1960-cı ildə insanın gözünü qırpmadan nəqədər
daya biləcəyini yoxlayıb. O, könüllərdən birinin göz qapaqlarını
yapışdırıb. Daha sonra həmin insanın gözlərinə yanıb sönən işıq
tutub. Daha sonra həmin insan gurultulu musiqi səsi altında
saxlanılıb. Həmin insan yalnız 12 dəqiqə dayana bilib. Daha sonra o
yatıb.