Leyla və Arzu Əliyevalar təqdimatda-Fotolar
20 Mart 2014 13:49 (UTC+04:00)
Prezident İlham Əliyevin qızları "buro247.az"
informasiya portalının təqdimat mərasimində iştirak ediblər.
Heydər Əliyev Fondunun vitse-prezidenti Leyla Əliyeva və Arzu
Əliyeva Heydər Əliyev Mərkəzində baş tutan buro247.az informasiya
portalının təqdimat mərasimindən iştirak ediblər. Movqe.az xəbər
verir ki, bu barədə məlumatı buro247.az saytının baş redaktoru,
Nərgiz Paşayevanın qızı Ülviyyə Rəhmanova "Facebook" sosial
şəbəkəsində yayıb. Qeyd edək ki, tədbirdə həm də Azərbaycan
Yazıçılar Birliyinin sədri Anar, Azərbaycanın Rusiyadakı fövqəladə
və səlahiyyətli səfiri Polad Bülbüloğlu, Lomonosov adına Moskva
Dövlət Universitetinin Bakı filialının rektoru, professor Nərgiz
Paşayeva, qızı Ülviyyə Rəhmanova, o cümlədən bir çox xarici
ölkələrin səfirləri, Azərbaycanın mədəniyyət və incəsənət
xadimləri, ictimaiyyət nümayəndələri iştirak ediblər.
