Movqe.azxəbər verir ki, Brazilyalı elm adamları qanda olan "Schistosoma" adlı parazitə qarşı peyvənd yaradıb. Dünya Səhiyyə Təşkilatının hesabatına müvafiq olaraq müəyyən olunub ki, bu xəstəlik malariyadan sonra ən geniş yayılan ikinci xəstəlikdir. "Schistosoma" adlı parazit daha çox Afrika ölkələrində yayılıb. Asiya, Afrika və Cənubi Amerikada 200 milyondan çox insana zərər yetirən bu xəstəlik üçün inkişaf etdirilən pevəndlərin müxtəlif ölkələrə göndərilməsi planlaşdırılır. Yorğunluq, yüksək hərarət, qaraciyərin zədələnməsi ilə müşahidə olunan xəstəliyə daha çox kanalizasiya sistemlərinin olmadığı yerlərdə rast gəlinir və ölümcül ola bilir.